اسكريبت بقلم ايمان شلبي

ده ماشي
بصيتلها بضيق 
اتخمدي انتي انا هقعد مع نفسي شويه
ردت بتأثير 
الله يكون في عونها 
هي مين 
نفسك زمانها دلوقتي بتقول اغيثونا
ضړبتها بالمخده بغيظ علي وشها 
اتخمدي
يعني مفيش من الفستان ده مقاس أوسع شويه
بصلي البياع بنظره احتقار وهو بيهز رأسه بقرف 
لا معندناش مقاسات حضرتك يافندم
خرجت من المحل وانا متضايقه وعيوني بتلمع بالدموع
من وقت ما وزني زاد وانا حاسه ان كل حاجه متقفله في وشي
مبقتش بعرف البس ولا أقابل صحابي وطول الوقت بقارن نفسي بكل البنات
مش قادره اتقبل شكلي بالمنظر ده
روحت قعدت علي اقرب كرسي وبدأت اعيط 
في الحقيقه انا كنت زعلانه اوي 
اللي يشوفني يقول مجنونه وبتضحك طول الوقت ومفيش حاجه ممكن تعكر مزاجها
بس انا من جوايا عكس كده تماماً !
علي فكره الفستان مكانش حلو
رفعت راسي لمصدر الصوت لقيته واقف قدامي 
لابس قميص اسود وبنطلون اسود وكوتشي ابيض ورافع شعره بشكل يجنن
في الحقيقه قلبي اتخطف للمره التانيه 
هيييي روحتي فين
بلعت ريقي وانا بفوق من شرودي 
انت ا انت ايه اللي جابك هنا 
تسمحيلي اقعد ؟
مسحت دموعي وهزيت راسي من غير ما انطق حرف
قعد جنبي وهو بيقولي بمرح 
مش لو كان الإنسان اتولد فرخه كان زمانه عايش بياكل عيش حاف وبينام من المغرب
مردتش عليه ولا حتي ضحكت لاني مكانش بالي رايق علي الاطلاق
انتي زعلتي بجد ولا ايه ؟
رديت بتريقه
لا جرافيك 
لا بجد انتي ليه زعلانه عشان الفستان مش مقاسك 
وديه حاجه متزعلش؟؟!
ابدا متزعلش خالص
رديت بعصبيه والدموع بتلمع في عيني 
لا تزعل 
انتي لازم تتقبلي شكلك
اتنهدت وانا ببص قدامي بحزن 
مش قادره اتقبله لاني
مكنتش كده 
بمعني
فتحت الفون بتاعي وجبت صوره ليا من سنه وحطتيها في وشه
شايف من سنه كنت عامله ازاي ؟
ابتسم بهدوء ونزل الفون وهو بيبص في عيوني 
شكلك في كل الحالات جميله
ضحكت بسخرية
شكرا علي المجامله اللطيفه ديه 
بس ديه مش مجامله ديه حقيقه 
بس انا مش حابه شكلي كده 
عايزه تخسي 
جربت كل حاجه تخليني اخس ومعرفتش 
بتاخدي علاج طيب بيسبب التخن
كنت باخد ووقفته خلاص 
طب ما تحاولي تاني 
تعبت من كتر ما بحاول 
طب تحبي اساعدك
بصيتله وسكت لحظه وبعدها رديت بحيره
وانت هتستفاد ايه لما تساعدني؟
سكت وبصلي شويه وبعدها جاوب بهدوء 
هخليكي مبسوطه وتقدري تعيشي حياتك طبيعي 
برضو هتستفاد ايه 
مش عارف بس حسيت اني عايز اساعدك
قومت وقفت وانا ببتسم ابتسامه حزينه 
شكرا علي اقتراحك بس انت لو قررت تعمل كده هتضيع وقت كبير جدا معايا وفي الآخر مش هخس عن اذن حضرتك ....
قولت كلامي وكنت لسه همشي وقفتني جملته اللي قالها بلهفه
مستعد اضيع وقتي كله لو معاكي
وقفت مكاني پصدمه وذهول وانا بعيد جملته في بالي !
لفيت وقربت منه وانا بسأله بتوتر 
ا انت قولت ايه ؟
بص في عيوني وعاد الجمله تاني بهيام
مستعد اضيع وقتي كله لو معاكي يا قمر
لا لا حد ينادي حد يكلم حد يجي يلحقني قبل ما اقع في حبه !
انت ا انت بتكلمني انا
ابتسم بهدوء وهز رأسه 
هو في قمر غيرك هنا
لا ماهو الواد ده يأما عبيط يأما اهبل أن مكانش الاتنين مع بعض
في قمر غيري ازاي يعني ده بسم الله ماشاء الله القمرات كلهم ماشيين في المكان
الا يكون مش بيشوف ومحتاج نظاره ؟!
لا بشوف كويس ومش محتاج نظاره 
ايه ده انت سمعتني 
اه وبأكدلك أن عيني مش شايفه قمر غيرك
بالله حد يلحقني بدل ما ارقع بالصوت واقوله بحبك في نص الشارع وافضحه
منال انتي ساكته ليه
انت مش ملاحظ انك بتقول كلام غريب 
ايه الغريب في كلامي
كلامك كله غريب بجد 
قمر من اي اتجاه
مستعد تضيع وقتك كله لو معايا انا ليه
ماهو مفيش شخص يقول الكلام ده إلا لحد بيحبه
وانت متعرفنيش عشان تحبني !!
بس انا اعرفك وشوفتك مره
ضحكت بذهول 
مره ؟!
ايوه من وقتها وانتي في بالى
اخدت نفس عميق وانا بحاول اسيطر علي اعصابي
وبعدين 
حبيتك
ضحكت علي كلامه ورديت بتريقه
معلش مجرد مشاعر وتروح لحالها 
يابنتي انا مش بهزر
لا ده انت مچنون رسمي بجد 
بقولك ايه انا عايز اتجوزك 
الاه
ايه؟
يابني انت عبيط 
!!
طب اسيبك انا دلوقتي واجيلك وقت تاني شكلك مچنون دلوقت
منال
يخربيت الحلاوه ياجدعان هو انا اسمي حلو اوي كده
نعم يا استاذ ....
ابتسم ورد بلهفه 
يونس
كمان؟؟
يعني حلو وعيونه حلوه ولبسه قمر وكمان اسمه حلو 
ده مفيش غلطه ،ده كله مميزات ابن اللذينه
لا لا انا لازم أهرب ما هو مفيش بني آدم مفيهوش عيب اكيد توكسيك وهيخزوقني في الآخر
مش توكسيك ومش هخزوقك انا بني آدم طبيعي 
احيه انت عرفت منين اني بفكر في كده 
مانتي هبله وبتفكري بصوت عالي!
انت بتشتمني كمان 
لا مش شتيمه ديه صفه 
بالله فرقت يعني؟
طبعا 
طب بص بقي يا استاذ يونس انا مش عايزه اتجوز و....
جربي
اجرب ايه حضرتك هو مطعم 
لا اقصد جربي تفكري في الموضوع 
هو انا مقولتلكش
لا 
مش انا فكرت 
ها وطلع معاكي ايه
اخدت نفس طويل وانا برد بجديه
مينفعش يا يونس انت تستاهل بنت احسن مني
اتنهد ورد بابتسامه حزينه 
هو مفيش احسن منك بس انا مش هضغط عليكي وجايز في يوم من الايام يجمعنا النصيب
لو خير 
اكيد
مد أيده عشان يسلم عليا بابتسامه لطيفه زي شخصيته 
فرصه سعيده
ابتسمت بأحراج
اسفه مش بسلم 
ولا يهمك 
عموما انا اسعد 
باي
انسه منال في هديه لحضرتك
رفعت وشي من علي الاوراق اللي قدامي وانا بقلع النضاره باستغراب
هديه ليا
انا ياعم فتحي؟
اه يابنتي اتفضلي
اخدت منه الهديه وانا مصدومه من كُبرها وشكلها اللي يخطف القلب
حطيتها علي المكتب وفتحتها واول ما شوفت اللي جواها اټصدمت وحطيت ايدي علي بوقي بذهول
مسكت الكارت بأيد بتترعش وانا بقرأ اللي مكتوب
الي رقيقه القلب ،جميله الطبع والروح والمظهر ،اُهدي اليكي هذا الفستان