اسكريبت بقلم ايمان شلبي

اسكريبت بقلمي إيمان شلبي 
هو ليه الإنسان متولدش فرخه ؟
مالك يافندم
بصيت للكلاينت اللي كان قدامي وانا ببتسم بتوتر 
لا يافندم متشغلش بالك 
طب تمام انا....
بصيت للسقف بتفكير
او صرصار مثلا من ابو شنب الكبير اللي پيخوف الناس ده
بصلي باستغراب 
هو حضرتك طبيعيه
نزلت راسي وبصيتله وانا بسأله بعفويه
هو الحيوان اللي بياكل وينام بس ده اسمه ايه 
الكوالا تقريباً!
رديت بلهفه وانا بشاورله بصباعي 
برافو عليك
سكت لحظه وانا بسأله بحيره 
ليه الإنسان متولدش حيوان كوالا كان زماني دلوقتي باكل وبنام وبنام وباكل وحاجه في منتهي الروقان يارايق
ابتسم بهدوء 
معلش حظك بقي تتولدي انسانه
اتنهدت بتأثير 
لو بس اتولدت كتكوت مكانش ده بقي حالي
بصلي بحيره 
مش كنتي عايزه تبقي فرخه 
ماهو الفرخه اصلها كتكوت ركز معايا كده شكلك مش مذاكر كويس
حك فروه رأسه 
اه صحيح معلش ،نشوف شغلنا وبعدين نبقي نشوف حوار الحيوانات ده بعدين
اهو جينا بقي للكلام اللي يزعل 
رد باستغراب 
هو ايه اللي يزعل في كلامي ياانسه !
كلامك كله يزعل ...يعني انا دلوقتي بتكلم معاك في موضوع اهم بكتييير من الشغل موضوع مصيري متوقف عليه حياتي تقوم تقولي شغل وكلام فاضي
رد بذهول 
بجد يعني الموضوع اهم من الشغل في رأيك 
طبعاً ،بقولك متوقف عليه حياتي
والله ياانسه انا مقدر أن الإنسان اوقات بينطفي ويبقي عايز يتحول لكتكوت بس للاسف ده مش وقته انطفاء خالص ولازم نتكلم في الشغل
بصيتله من فوق لتحت بقرف 
كل ده ومقدر اومال لو مش مقدر كنت عملت فيا ايه؟!
حسيته بدأ يتعصب بس عمره ما يروح يقول عشان هو جنتل وحليوه واكيد اكيد مش هيتعصب علي واحده نسوان زي
لو سمحتي يا انسه خلينا نخلص شغلنا عشان عندي شغل
طه خلاص متزوقش يوه
بدأنا شغل وفي الحقيقه بالرغم من تفاهتي وانطفائي إلا أني شاطره جدا ومحترفه في شغلي
يمكن ديه الحاجه الوحيده اللي مصبره المدير عليا بالرغم من كل المصاېب اللي بعملها في الشركه بس لو هيشحتوا كده ميحبوش قدي
خلصنا الشغل بعد نص ساعه اتهد فيهم حيلي
اتنهدت وانا برجع لورا وبسند ظهري بتعب 
كان لازم يعني تعملي فيها استرونج اندبندت ومان يابنت الجبالي مش كان زمانك متجوزه بتعملي لقره عينك رز وبسله دلوقتي
ابتسم علي كلامي وهو بيهز رأسه بيأس وقام وقف وهو بيلم أوراقه في الشنطه
رفعت راسي وانا بسأله بتفكير 
ايوه برضو ليه الإنسان متولدش فرخه !
ابتسم وبصلي وهو بيقولي بجديه
عشان الشركه كانت محتاجه لحد بروفيشنال زيك يا انسه منال
قال كلامه ومشي من قدامي بعد ما خطڤ قلبي ابن الحراميه
ميلت براسي علي كتفي وانا ببتسم برقه وبرسم مستقبلي معاه
منال ،منااااال
فوقت من شرودي بفزع لقيت محسن زميلي قدامي
حد يعمل في اخوه الإنسان كده بزمتك ؟
رد بسماجه وهو بيبتسم ابتسامه صفراء 
المدير عايزك 
استر يارب من الابتسامه ديه انا عارفاها كويس
روحت المكتب وانا من جوايا عماله ادعي علي المدير وعلي الشركه وعلي الشغل وعلي كل اللي حوليا
ماهو بصراحه مفيش انسان يعمل في اخوه الإنسان كده ويخرجه من أحلامه ده انا خلاص كنت سميت عيالنا وبفكر هندخلهم مدارس ايه
مساء الخير يافندم
رد بلهفه 
تعالي يا منال
همست بتوتر 
استرها علينا يارب
قربت من مكتبه وقعدت علي الكرسي وهو بيبصلي بأبتسامه واسعه
خير يافندم باين أن حضرتك مبسوط 
في الحقيقه جدا 
لا متقولش ابنك وافق أنه يتجوز بنت عمه وحن عليك
هز رأسه بيأس
لا مش كده
رديت بحيره
طب ايه ورثت طيب ؟
برضو لا 
اومال ايه يافندم حيرتني 
هز رأسه بيأس 
مانتي لو تسبيلي فرصه ارد هتعرفي
شاورت علي بوقي بمعني خلاص وفعلا سكت عشان فضولي
صاحب شركه عايز
يتعاقد معانا بفضل مجهودك
رديت بلهفه 
الشركه اللي فيها جوزي قره عيني
فتح بوقه ببلاهه وسكت لحظه بيحاول يفهم قصدي
انتي اتجوزتي أمتي 
لا لا يافندم مقصدش انا قصدي يعني اعتبار ما سيكون
هز رأسه بتفاهم
ااااه انتي اتجوزتي صاحب الشركه في دماغك يعني ؟
هزيت راسي بتأكيد
واخترت اسامي الاولاد ولسه بفكر في المدارس قومت حضرتك بعتلي الواد عماد قام قفلني وهدملي احلامي الورديه
ضحك وهز رأسه بيأس من حناني 
معلش اسفين لهدم احلامك أن شاء الله المره الجايه ناخد بالنا
قفلت عيني نص قفله باستغراب 
بس هو لحق؟
مش فاهم 
اصله لسه خارج من الشركه حالا بالا 
اه ماهو اول ما خرج كلم المدير والمدير كلمني علي طول وقالي أنه حابب يتعاقد معايا
ابتسمت بفخر وانا بغمزله بمشاكسه
اي خدمه عد الجمايل يابا 
يابا!!
وفي اللحظه ديه أدركت اني بتكلم مع المدير مش مع صحابي ولا مع عم محمد بتاع الخضار
قومت وقفت وانا ببتسم ابتسامه متوتره 
طب حضرتك عايز مني حاجه يافندم
ضحك ورد وهو بيشاورلي علي الباب
اتفضلي يا آخره صبر الشركه ياللي هتجبيلي الضغط والسكر
خرجت وانا بهمس بفخر 
بېموت فيا 
هو اين يذهب الإنسان عندما يشعر أن جميع الأماكن لا تناسبه
اختي بملل وهي بتحط الغطا علي وشها عشان تنام 
ينام ويبطل صياح معروفه
بصيتلها بقرف
نامي نامت عليكي حيطه 
متشكرين يارجوله
شيلت الغطا من علي وشها بضيق 
انتي هتنامي
بصيتلي بشك
والله علي حسب هتصيحي ولا هتفرفشي كده و....
قاطعتها بعفويه
اوفكورس هصيح
ضړبت دماغها بخفه ويأس
صياح ليفل الۏحش توب علينا يارب
مروه انا عايزه احب واتحب عايزه اتخطف
اتاوبت وقفلت عينيها بتعب 
حاضر نامي دلوقتي وبكره نحب انا وانتي وماما وناهد وكلنا
انتي بتتريقي علي أحزاني!
عايزه الحق ولا الحق
معروفه يعني اكذبي وقولي انك مش بتتريقي عشان ليلتك تعدي
طبعا ياقلبي يانهار خبر وانا اقدر برضو اتريق علي أحزانك
طب برضو ليه الإنسان متولدش فار 
هو انتي كل ثانيه بحيوان جديد 
بنوع في الصياح عشان متزهقيش برضو 
لا كتر خيرك بجد 
الله يخليكي 
بصي يامنولتي احنا ننام دلوقتي وبكره نشوف حوار الحيوانات